NEWS RELASE
07 MARCH 2008

PULIS MAYNILA, PANANAGUTIN SA MADUGONG DISPERSAL

"Dapat managot ang mga pulis Maynila na parang mga asong-ulol na uhaw
sa dugo sa kanilang ginawang pambubugbog sa aming hanay. Hindi
masukat ang aming galit sa karahasang tugon sa aming mapayapang
pagpapayahag ng aming mga makatarungnag hinaing sa DOLE."

Ito ang naging pahayag ni Janet Barrientos, coordinator for services
ng GABRIELA Timog Katagalugan sa kanilang mariing pagkundena sa
madugong dispersal kagabi. Mismong si Barrientos ay nagtamo ng sugat
at pasa sa kanyang kanang braso.

"Amin ngayong inihahanda ang pormal na pagsasampa ng reklamo laban sa
mga berdugong pulis Maynila na pinamumunuan ni Col. Rosales.
Pinagpupukpok, kinaladkad, at tinulak ang mga manggagawang papaatras
na at nagmamakaawang itigil ang dispersal," ani Barrientos,

Umabot sa 17 ang kinailangang isugod sa Philippine General Hospital
at sa Ospital ng Maynila. Mahigit 30 pa, kabilang ang mga kababaihan
ang nagtamo ng mga maliliit na sugat at pasa sa naganap na dispersal.

Sa kasalukuyang lima ang nananatiling nakaditine sa Manila Police
District Headquarters, kabilang ang isang vendor, na mula sa Sta.
Cruz, Manila na si Jay Aban at si Marlon Torres ng Pagkakaisa ng mga
Manggagawa sa Timog Katagalugan (PAMANTIK-KMU) na nakita sa media na
kinuyog at kinaladkad ng mga pulis. Sinasabing nasa kritikal na
kondisyon si Torres subalit sapilitang inilabas ng MPD mula sa
Ospital ng Maynila.

"Lalo's higit kaming determinado ngayong ipaglaban ang aming mga
karapatan. Lalo't higit kaming determinado ngayong lumahok sa
malaking pagkilos ng kababaihan bukas, Araw ng Kababaihan. At dahil
sa pinakitang karahasan kahapon ng mga kampon ng Malakanyang sa mga
pulis-Maynila, lalo't higit kami ngayong lalaban para mapatalsik ang
rehimen ni Gloria Macapagal Arroyo."#

For Reference:
JANET BARRIENTOS (Coordinator for Services, GABRIELA-ST) 0928-6534275

__._,_.___