|
BAYAN
Bagong Alyansang Makabayan – Central Visayas
2nd foor Memeles Bakeshop Tel # 256- 38-20
L. Jeana corner Mabini St. Parian, Cebu City
SILOTAN ang mga abusadong tropang kano!
BATUKAN ug ihunong ang Balikatan Exercises!
JUNK VFA NOW
May 19, 2009
Ang BAYAN ug ang mga alyadong organisasyon dakong supak sa US and
Philippine Navy joint exercises o Balikatan exercises ilawom sa Visiting
Forces Agreement kon VFA nga pagahimoon dinhi sa Cebu karong May 21
hangtud sa 29, 2009.
Kon mahinumdoman dinhi sa Cebu niadtong Marso 2000 usa ka taxi driver
gikulata sa US Navy ug pagka Agusto 2000 duha (2) ka bata ang namatay ug
may mga naangol dihang nibuto ang rocket-launched grenade nga nabiyaan sa
usa ka secret military exercises sa US Navy Seal ug Philippine Navy didto
sa Atlas mining sa Toledo City. Kining tanan nahilom pinaagi sa kwarta ug
pag-pressure sa mga biktima ug pamilya sa gobyernong US ug Pilipinas.
Karong Mayo 27 ika- 10 ka tuig human gi ratify sa Senado sa Pilipinas ang
VFA apan wala gi-ratify sa Senado sa US. Sa maong gidugayon napamatud-an
nga usa kini kasabotan tali sa Ulipong Pilipinas ug Agalong US. Makita
kini sa VFA 1 diin gitratar sa Pilipinas ang tropang Kano nga mobisita
dinhi sa atong nasud nga mga halangdon wala gikinahanglang mokuha'g
passport, visa, registration sa sakyanan, dili pwedeng masusi ang barko ug
eroplano kon nagdala ba kini og bombang nuclear ug labaw sa tanan walay
jurisdiction ang Pilipinas sa tropang Kano kon kini makasala sa atong
balaod sama sa nahitabo kang Lance Corporal Daniel Smith ga nakombikto sa
salang pangpanglugos sa RTC sa Makati apan didto gitanggong embahada sa
US. Apan dakong balit-ad ang tratamento sa US sa mga tropang Pinoy nga
mobisita sa Amerika nga makita sa VFA II.
Mas grabeng kadaut sa atong nasud ug katawhan ikompara sa gihatag sa VFA
nga kaayohan. Padayong pagpangyatak niini sa atong kaugalingnan isip usa
ka nasud, sa taas na sa panahon nga ilawom ang atong nasud sa US-RP Mutual
Defense Treaty ug VFA naghangad pa gihapon ang armadong kusog sa Pilipinas
sa US sa iyang tabang, mga heneral lang sa Armadong Kusog sa Pilipinas ang
nabulahan sa pundo sa Balikatan ug sa military ug labaw sa tanan interes
sa ekonomiya ug pagkontrol sa US dinhi sa Asia – Pasipiko uban sa interes
sa naglingkod karon sa Malacanang. Kining maong military exercises ilawom
sa dili patas nga kasabotan naghimo sa atong mga kasundaluhan nga
“berdugo” sama ni Palparan.
Sa umaabot nga joint military exercises sa US ug Philippine Navy dinhi sa
Sugbo karong Mayo 21 hangtud 29 maglunsad ang BAYAN ug alyadong
organisasyon og mga kalihukan batok sa presensya sa tropang kano ug pagka
Mayo 27 mosalmot usab ang BAYAN – Central Visayas sa usa ka nasudnong
protesta aron manawagan sa PAGBASURA sa VFA atol sa ika -10 katuig nga pag
ratify sa Senado sa Pilipinas sa VFA. Ang BAYAN ug ang nagpakabanang grupo
ug indibidwal mulunsad og usa ka “Balikatan Watch” diin imonitor niini ang
mga kalapasan, pagpanamastamas sa atong balaod. Awhagon ang tanang saksi
ug biktima nga mubarug ug panalipdan ang dungog isip tawo ug nasud.
Nanawagan ang BAYAN nga suportahan ang mga whistleblowers nga nagbutyag sa
mga kahiwi-an sa AFP dili sila angay lutoson ug kinahanglan nga
matinud-anon ang imbistigasyon sa giingong kurapsyon sa pundo sa Balikatan
ug silotan ang mga heneral nga nalambigit niini.
Jaime Paglinawan
CHAIRMAN
BAYAN – CENTRAL VISAYAS
CP# 09207818223
|
 |
