Untitled

ni Joward Rosales 

Ang gandang pakinggan ang matuwid na daan

Subalit hanggang saan ang ating patutunguhan

Kung ang pangunahing bilihin ay parang kidlat kung mag taasan

At ang makabuluhang dagdag sahod ay hindi mapag bigyan

Anong kinabukasan ang nag hihinta'y sa ating bayan?

Kung ang mga namumuno ay ang tanging alam,

ay gibain at wasakin ang munting tahanan na ating tanging yaman

Talaga bang ganito? mga tao sa Gobyerno

Walang ibang ina-asikaso kundi pansariling benipesyo

Bakit hindi unahin mga pangako

na hanggang ngayon ay naka pako..

Bio: Si Joward ay OFW mula sa Pingtunghsien, T'Ai-Wan, Taiwan.

--------------------------------------------------------------------

Krisis
M.J. Rafal

Kung ‘kahirapan’ ang hantungan ng ‘serbisyong panlipunan’
Resbak ang isasabak nitong pagod mang katawan
Ito’y signos ng pagbangon, martsa ng panahon
Simula ng pagtutuwid-kasaysayan, sabihin mang cliché itong tugon:
Itindig ang hanay! Bandila’y iwagayway!
Sa Mendiola tayo mamamahay! Hanggang bukas ay magpantay!

Si M.J. Rafal ay mahilig tumula. Paborito niya ang linyang “Poetry, like bread, is for everyone.” ni Roque Dalton. Ilan sa mga idolo niya sa pagtula ay sina Stum Casia, Kislap Alitaptap, Pia Montalban at si Alexander Martin Remollino. Mahilig din siyang magbasa at maglakad.