| |
LETTER TO THE EDITOR
July 21, 2008
Salamat sa Young Blood article, “Quiapo Vendors” ni Ms. Lucero, na lumabas
sa PDI.
On July 19, 2008, we went to Plaza Miranda to look for the Flower's
Vendors Association. We easily found the vendors selling flowers along the
mall at the side of Plaza Miranda near Quiapo Church. I asked about the
president of their association and met Mrs. Maria S. Batac, from San
Fernando, Pampanga. I learned that Ms. Lucero bought the flowers from her.
Maya-maya ay ngumiti siya. Nagtanong siya kung kailan kami pupunta sa
puntod ni Ka Bel. Magpapadala uli siya ng mga bulaklak (at inisa isa na
ang mga bulaklak). Pinigil ko siya, at sinabing "sa Bulacan po siya
nakalibing, baka ho malanta agad ang mga bulaklak."
Aling Maring said, "basta nakababad sa tubig ang mga bulaklak ay matagal
itong malanta." Para lang huwag na siyang mag-abala pa, I told her na "ganito
na lang po, Aling Maring. Pag kailangan namin ng mga bulaklak, sa inyo na
lang kami oorder at magpapagawa. Hihingi na lang po kami ng discount."
Tumango siya at sabay sabi sa amin na, "sige, kayo ang bahala. Hihintayin
ko kayo."
Binanggit ko sa kanya na marami ang nakabasa at naluha sa artikulo ni Ms.
Lucero. Kaya, hinanap namin sila para mapasalamatan. Sabay abot ko sa
kanya ng dala naming Thank You cards mula sa pamilya at Anakpawis
Partylist. Naluluha-luha niyang binasa at tinitigan ang mga cards na
iniabot ko sa kanya. Pansamantala kaming nagpaalam at sinabing babalik
kami sa kanyang puwesto para muling makipagkuwentuhan.
Marami pang ibang simpleng tao na hindi namin kakilala ang nagpunta sa
burol ni Ka Bel. Tulad ng isang lalaki na tuwing umaga ay pinupunasan ang
kabaong ni Ka Bel. Nang tinanong siya ng isa kong kapatid, ang sagot niya
ay "ito man lang ay magawa ko para kay Ka Bel, bago man lang siya ilibing."
Napakarami, di mabilang ang mga simpleng tao, marami sa kanila ang
nanggaling pa sa probinsiya ang nagtungo sa Iglesia Filipina Independencia
(IFI) para masilayan sa huling sandali ang katawan ni Ka Bel at magbigay
ng kanilang respeto, kilalanin ang simpleng buhay at puspusang pakikibaka
ni Ka Bel para sa interes ng masang anakpawis.
Nais namin silang puntahan at makilala, para tulad ni Aling Maring ay
maabutan ko ng Thank You Card ng aming pamilya at ng Anakpawis Partylist.
Higit pa rito, ay maiparamdam namin sa inyo ang mahigpit at mainit na
pakikipagkamay at masabi sa inyo ang aming taos pusong pasasalamat.
OFELIA BELTRAN
Anak ni Ka Bel
|
|
